คำผญาอีสาน*~

<< < (2/5) > >>

ping-pong:
ผู้สาวเอ๊ย...

ครั้นแม่นคิดฮอดอ้าย ให้เหลียวเบิ่งอีเกิ้ง ดวงดาวเด้อ

สายตาเฮา สิกล่อมกัน อยู่เทิ้งฟ้า

PJ.สาวเปิ้ล:
เห็นคำเกี้ยวของกลอนผญาบทหนึ่ง


ผญาเกี้ยวสาวผู้ไทย

เกิดแต่ดนหลายปี                                บ่ทันมีผู้ยิ้มใส่
มาแห็นสาวผู้ไทย                                ยิ้มเป้ยหัวหยุ้มทักทาย
หัวใจชายสังมาเสี้ยว                           ลดเลี้ยวไปเป็นลายต่าง
ลุกย่าง งวกพุ้นพี้                                  บ่มีหม่องเสี่ยงหัวใจ
ว่าแหม่นบ่าวส่ำน้อย                           กล้าเก่งคะนองศึก
สาวเว้านำแฮ้งคึก                                 ฮึกเหิมปานผีบ้า
ยินเสียงวาจาต้าน                                 สาวผู้ไทยผั่นแฮงหม่วน
อยากชวนเมือยามบ้าน                ไปให้อีแม่แยงเด๊..นอหล่าเอ๊ย

อ้ายนี่มีใจเดียว                                      แต่โรเนียวได้หลายเทือ
หว่านควมฮักเอื้อเฟื้อ                          ฝากไว้ขู่ซุคน
ในอกอ้ายฮนฮ้อน                            คะนิงหาอุกอั่ง
ลุกยืนนั่งบ่เป็นสุข                               ระทมทุกข์แลงเช้า
คึดฮอดเจ้าน้องหล่า                             หน้าขาวมาเปิ่นเหวิ่น
เห็นผู้อื่นหลงเอิ้น                                คึดว่าเจ้ามาหา
นกเขาตู้พรากคู่กะยังขัน                 กาเวาวอนจากกันกะยังฮ้อง

น้องพรากอ้าย                                      ควมเดียวบ่เอิ้นสั่ง
คันบ่เอิ้นสั่งใกล้                                   สังบ่เอิ้นสั่งไกล"..นางเอย
สาวผู้ไทยอย่าใจส้ม                         ไปหลงคารมชายอื่น..เด้อนาง
ให้คึดฮอดอ้ายบ้าง                               ผู้คองถ้าเจ้าต่าวมา

**ขอขอบคุณบทกลอนจาก คุณอณูทิพย์  ธารทอง

PJ:ผาแดงนางไอ๋:
การงานนี้                                         อุปสรรคแสนหมู่

เกิดเป็นคนต้องสู้                                  อย่าถอยร่นหลีกหนี

แปล เกิดเป็นคนต้องหนักเอาเบาสู้

PJ:ผาแดงนางไอ๋:
คันบ่แน่บ่ยิง บ่จริงอย่าเว้า บ่เอาบ่ว่า รับฟ้าผ่าห่าตำกะได้ ใจนั้นเที่ยงชัน

ไม่แม่นไม่ยิง ไม่จริงไม่พูด ไม่อยากได้ไม่ขอ ให้ฟ้าผ่าก็ได้ใจพี่นี้มั่นคง (รักน้องจริง ๆ)

PJ:ผาแดงนางไอ๋:
ใจประสงค์แล้วเมืองแกวกะดั้นฮอด ใจประสงค์ยอดแก้วในถ้ำกะก่นหา

เมื่อมีใจรักน้องแม้จะอยู่แดนไกลเพียงใด ก็จะติดตามถามหา

นำร่อง

[0] ดัชนีข้อความ

[#] หน้าถัดไป

[*] หน้าที่แล้ว